كل ما يخص مسابقات الانخراط في صفوف الجيش الوطني الشعبي 2024
مرحباً اعزائي الزوار في موقع الحل المفيد يسرنا بزيارتكم أن نقدم لكم كل ما يخص مسابقات الانخراط في صفوف الجيش الوطني الشعبي 2023 2024
الإجابة هي
: في ما يخص مسابقات الانخراط في صفوف الجيش الوطني الشعبي
من أراد أن تشارك في مسابقات الجيش الوطني الشعبي كضباط وضباط الصف في مختلف الاسلحة والمديريات.
المسابقة تكون بإذن الله بعد نتائج شهادة البكالوريا لانها لها علاقة بشهادة البكالوريا.
فيما يخص التسجيل يكون عن طريق رابط الاكتروني خاص بوزارة الدفاع الوطني.
عند التسجل بالنسبة للناس لاول مرة راح تسجل.
كاين ناس العام لي فاتت شاركت وعلبالها كيف يتم تسجيل.
1-المهم عند ولوج الى الرابط. تقوم بملأ المعلومات الشخصية.
بعد وضع تخصص الجامعي اوشهادة البكالوريا الخاص بيك الرابط أليا يعطيك واش راح تخير.
سلاح او مديرية. لي تقدر تروح ليها يعني
مثلا انت عندك بكالوريا ادبي تقول علاش ماوعطاوليش بحرية ولا درك الوطني.
و كذلك الاختيارات راح تخرجلك على شكل مديريات خاصة بالجيش.
مدرية الصحة مدرية الامن العسكري. الايصال والاعلام. الالبسة العسكرية. الصناعات العسكرية. القوات الجوية. البحرية البرية. الدفاع الجوي عن الاقليم. الدرك الوطني الحرس الجمهوري..... الخ كاين بزاف.
على اقل انت قبل تسجيل تكون عندك معلومات على مديرية لي حاب تنخرط فيها. يعني من دروك سقسي عليها باش كي تسجل على بالك واش راك دير
ثانية. لازم من ضروك توجد الدوسي تاعك الوثائق لي تحتاجهم لان بعد بكالوريا راك تعرف صعيبة باش تخرجهم خرج صوالح لي باينين شهادة ميلاد. اقامة ... يبقالك الجنسية وسوابق عدلية
ثالثا بعد تسجيل بحوالي 20يوم يبداو يعيطوا للناس يجيك تلفون ولا يبعثولك على ايميل تاعك . يعطولك نهار لي تفوت فيه.
قادر يعيطولك في 3اختيارت لي درتهم كما قادر وحدة كما قادر ما يعيطولكش كامل.
كي يعيطولكم ديما دير حسابك بلي رايح تدخل تدي معاك باقية تاع الدوسي والبدلة رياضية.
ربي يوفقكم